ყაზბეგი ტარიელ ალიბეგაშვილის სახელობის ღია ტურნირს მასპინძლობს

24-25 ივნისს, ყაზბეგი, თავისუფალი სტილით ჭიდაობაში, ტარიელ ალიბეგაშვილის სახელობის ღია ტურნირს მასპინძლობს. 

ცნობილი მოხევე ფალავნის სახელობის ჩემპიონატი, 15 წელზე მეტია, მთელი საქართველოდან აერთიანებს სპორტსმენებს.

დღეს ტურნირის გახსნის ღონისძიებას, ადგილობრივი ხელისუფლების წარმომადგენლებთან ერთად, მცხეთა-მთიანეთის მხარის სახელმწიფო რწმუნებულის მოადგილე გოჩა ქავთარაძე, საქართველოს პარლამენტის სპორტის კომიტეტის აპარატის უფროსი ედიშერ მაჩაიძე, ჭიდაობის ეროვნული ფედერაციის წარმომადგენლები და ვეტერანი მოჭიდავეები ესწრებოდნენ.

აღსანიშნავია, რომ ტურნირში, ქვეყნის მასშტაბით, 250-მდე მოზარდი მონაწილეობს. ყაზბეგის ჭიდაობის სპორტის სკოლას კი ამ დროისათვის ორი ფინალისტი - ილია ხულელიძე და გიორგი კბიაშვილი ჰყავს.